တခါတုန်းက သိန်းငှက်မ တကောင် ရှိတယ် ။ သူမဟာ ဥ ဥ ဖို့အတွက် တောင်ပေါ် မှာ ပေါက်တဲ့ သစ်ပင် ရှာတယ် ။ အဲဒီ သစ်ပင်ထဲ မှာတောင် အမြင့်ဆုံး သစ်ပင်ပေါ်မှာ အသိုက်ကို ဆောက်တယ် ။

ပထမတော့ အသိုက်ကို ကြီးတဲ့ သစ်ကိုင်း သစ်ခက်တွေ နဲ့ ဆောက်လုပ် ပါတယ် ။ အဲဒီအထဲမှာ သစ်ရွက်ခြောက်တွေ ထည့်တယ် ။ နောက်တော့မှာ သူမရဲ့ အမွှေးနုတွေကို နူတ်သီးနဲ့ ဆွဲနူတ်ပြီး ထည့်တယ် ။

နောက်တော့ အဲဒီအပေါ်မှာ ဥကို ဥလိုက်ပါတယ် ။ ဥက မျာများ မဥပါဘူး ။ တလုံး နှစ်လုံး ပါပဲ ။ အဲဒီ ဥပေါ်မှာ သိန်းငှက်မကြီးက ဝပ်တယ် ။

အချိန်တန်တော့လည်း ဥထဲက သိန်းငှက်ကလေးတွေ ပေါက်လာတယ် ။ သိန်းငှက်မကြီး ငယ်သေးတဲ့ သိန်းငှက် ကလေးတွေ အတွက် အစာရှာ ကျွေးပါတယ် ။

သိန်းငှက်ကလေးတွေ အမွှေးနုတွေ ထွက်လာပြီး ဆိုရင် သိန်းငှက်မကြီးက အသိုက်ထဲမှာ ရှိတဲ့ အမွှေးနုတွေကို ဖယ်ရှား ပစ်တယ် ။
.
.
နောက်မကြာခင် မှာပဲ သိန်းငှက်ကလေးတွေရဲ့ အမွှေးတွေ ရှည်လာရင် သိန်းငှက်မကြီးက သစ်ရွက်ခြောက်တွေ ဖယ်ရှားပစ် လိုက်တယ် ။

သဘောကတော့ ကြမ်းတမ်းတဲ့ သစ်ကိုင်း သစ်ခက် တွေရဲ့ အထိအတွေ့နဲ့ ကြီးပြင်းစေချင်လို့ပါ … ။
.
.
.
နောက်မကြာခင် မှာပဲ သိန်းငှက်ကလေးတွေရဲ့ အတောင်ပံ တွေက ရှည်သထက် ရှည်လာတယ် ။ ပျံသန်းလို့ ရနိုင်တဲ့ အချိန်ကို ရောက်ပြီးလို့ သိန်းငှက်မကြီးက ယူဆတဲ့ အချိန်မှာ သိန်းငှက်ကလေး တွေကို အသိုက်ထဲက တွန်းချ လိုက်တယ် ။

သိန်းငှက် ကလေးတွေက ယက်ကန် ၊ ယက်ကန်နဲ့ တောင်ပေါ် အသိုက်ထဲက ပြုတ်ကျ သွားတယ် ။ မပျံနိုင်သေးဘူးလို့ ထင်ရင် သိန်းငှက်မက အသိုက်ထဲကို ပြန်ချီ လာတယ် ။
.
.
.
သိပ်မကြာခင်မှာပဲ သိန်းငှက်မဟာ သူ့ရဲ့ သားသမီးတွေကို အသိုက်ထဲက တွန်းချပြန်တယ် ။

ဒီလိုနည်းနဲ့ပဲ အကြိမ်ကြိမ် အခါခါ တွန်းချပါတယ် … ။

သိန်းငှက်ကလေးတွေဟာ လေထဲမှာ ဝဲပြီး ပျံသန်းနိုင်ပြီ ဆိုတာနဲ့ အစစအရာရာ ကိုယ့်တာဝန် ကိုယ်ယူပေတော့ … ။

သိန်းငှက်မကြီးရဲ့ တာဝန်ပြီးပြီ ။
.
.
အမေရိကန်နိုင်ငံသားတွေဟာ သိန်းငှက် ပုံပြင်လိုပဲ သူတို့ သားသမီးတွေကို ငယ်ငယ်ကထဲက ကိုယ့်အားကိုယ် ကိုးတတ်အောင် လေ့ကျင့်ပေးတယ်။

မွေးကင်းစမှာပဲ ကိုယ်ပိုင် အိပ်ခန်းမှာ ကိုယ့်ဘာသာကိုယ် အိပ် ၊ လမ်းလျှောက်တတ် ကာစမှာပဲ အမှိုက်ပုံးမှာ ကိုယ့်အမှိုက်ကို ကိုယ် ပစ်တတ်အောင် သင်ပေးတယ်။

အရွယ်နဲ့ အမျှ တတ်နိုင်တဲ့ဝန်ကို ထမ်းဆောင်ဖို့ လေ့ကျင့်ပေးတယ် ။
.
.
အသက် ( ၁၈ ) နှစ် ပြည့်ရင်တော့ သိန်းငှက်မက အသိုက်ထဲက တွန်းချလိုက် သလိုမျိုး တွန်းချလိုက် တာပဲ ။ ကိုယ့်စရိတ် ကိုယ်ရှာပြီး ကောလိပ် ၊ တက္ကသိုလ် တက်ပေတော့ … ။ ဘွဲ့ မရခင်မှာပဲ လုပ်ငန်းအတွေ့အကြုံက အမျိုးမျိုး ရနေပြီ ။

ယောကျာ်းရော ၊ မိန်းမပါ အရွယ် ရောက်တာနဲ့ ကားကိုလည်း ကျွမ်းကျွမ်းကျင်ကျင် မောင်းတတ်နေပြီ။ သေနတ်တိုင်း ကိုလည်း ကျွမ်းကျွမ်း ကျင်ကျင် ပစ်တတ်နေပြီ ။ ရေကူးခြင်း အတတ်ပညာကိုလည်း ကောင်းကောင်း ကျွမ်းကျင် နေပြီ ။

အခြား အားကစားကို ဝါသနာ ပါရင် ဝါသနာပါတဲ့ အလျှောက် ကောင်းကောင်း ကျွမ်းကျင်နေပြီ ။ အမေရိကန် အင်္ဂလိပ် ဘာသာစကား အပြင် အခြား ဘာသာစကားတွေ ကိုလည်း အနည်းဆုံး တမျိုးထက် ပို တတ်မြောက်နေပြီ ။
.
.
အဓိက ဦးတည်ပြီး လေ့ကျင့် ပျိုးထောင်တာက ကိုယ့်အား ကိုယ်ကိုးတတ်တဲ့ စိတ်ဓာတ်ကို ပြုစု ပျိုးထောင်တာပါ … ။ ဒီအပြင် အားမနာတတ်ခြင်း အတတ်ပညာ ကိုလည်း ဒီအရွယ်မှာ တော်တော် ကျွမ်းကျင်နေပြီ ။ သူတို့တွေဟာ အားမနာတတ် ပေမယ့် တခြားသူတွေ ဖက်က စာနာစိတ်နဲ့ ကြည့်တတ် ၊ ခံစားတတ် အောင်လည်း တလက်စထဲ သင်ပေးတဲ့ အတွက် တတ်မြောက်နေပြီ ။
.
.
ကျနော် အကြိုက်ဆုံး လေ့ကျင့် ပျိုးထောင်မှု တခုကတော့ စာဖတ် ဝါသနာ ပါအောင် ငယ်ငယ် ကထဲက မိဘရော ၊ ဆရာသမားတွေ ကပါ လေ့ကျင့်ပြုစု ပျိုးထောင်ပေးတာ ပါပဲ … ။ အရွယ်ရောက်ချိန်မှာ စာအုပ် အမြောက်အများ ကို ဖတ်ပြီး နှင့်ပြီ ။ ဘက်ပေါင်းစုံ အပေါ် တော်တော်လေးနှံ့စပ်နေပြီ ။

ဒီအပြင် ခရီးသွားခြင်း ကိုလည်း ငယ်ငယ်လေး ထဲက ဝါသနာ အလျှောက် မိဘနဲ့ အတူ လျှောက်လည်ခဲ့ပေါင်း များပြီ ။ နိုင်ငံပေါင်း မြောက်များစွာကိုလည်း ရောက်ဖူးနေပြီ ။
.
.
သားသမီးတွေကို မိဘများ အနေနဲ့ ဘဝမှာ အကောင်းဆုံး လက်ဆောင်ဟာ တသက်လုံး သုံးလို့ မကုန်တဲ့ ငွေ မဟုတ်ပါဘူး … ။ ရင်ခွင်ထဲမှာ အမြဲတမ်း ထည့်ထားဖို့လည်း မဟုတ်ဘူး ။ ဘွဲ့လက်မှတ်လည်း မဟုတ်ပါဘူး ။ အိမ်ထောင်ဖက် ကောင်းကောင်းကို ရွေးပေးတာလည်း မဟုတ်ပါဘူး ။
.
.
မိဘများ အနေနဲ့ သားသမီးတွေကို ပေးသင့်တဲ့ အကောင်းဆုံး လက်ဆောင် ကတော့
" ကိုယ့်ကိုယ်ကို ယုံကြည် အားကိုးတဲ့ စိတ်ဓာတ် … " ပါ။

ကိုယ့်ကိုယ်ကိုယ် ယုံကြည်အားကိုးစိတ်ကို ရနိုင်တဲ့ အကောင်းဆုံး နည်းလမ်း တခုကတော့ သူတို့ ကြောက်နေတဲ့ အလုပ်ကို သူတို့ကို လုပ်ခွင့် ပေးလိုက်ခြင်း ဖြစ်တယ် … ။ မိဘများ အနေနဲ့ ထိန်းကြောင်းပေးဖို့ပဲ လိုပါတယ် … ။

သူတို့ကို အကြိမ်ကြိမ် အခါခါ တွန်းချဖို့ လိုအပ်ပါတယ် … ။

Credit